रौतहट — रौतहटको राजपुर नगरपालिका–५ स्थित राजपुर फरहदवा टोलबाट बलात्कारको आरोपमा फरार एक जनालाई प्रहरीले पक्राउ गरेको छ ।
चार महिनाअघि गाउँकै महिलालाई बलात्कार गरेको आरोप लागेका रंजीत साह तेलीलाई उनकै होटेलबाट सोमबार साँझ प्रहरीले पक्राउ गरेको हो । पक्राउ परेका तेलीलाई मंगलबार जिल्ला अदालतमा उपस्थित गराइएको छ । बलात्कारको आरोपमा किटानी जाहेरी परेपछि उनी फरार थिए ।
यस्तै सवारी ज्यान मुद्दामा फरार यमुनामाई गाउँपालिका–४ का रामबालक साहलाई दुर्गाभगवती गाउँपालिका–१ स्थित पिपरा बजारबाट पक्राउ गरेको जिल्ला प्रहरीले जनायो । उनलाई पनि प्रहरीले मंगलबार अदालतमा उपस्थित गराएको छ ।
