गरुडा ३०,असोज रौतहटको क्षेत्र न.४ ख बाट स्वतन्त्र उम्मेदवारी दिनु भएको रवि जयसवाल जनताको गुनासो-चाहना सुन्न निरन्तर मैदानमा खट्नु भएको छ । शनिबार जयसवाल ले गढीमाई न.पा.१ हरैया,४ पल्टुवामा भेटघाट तथा परिचात्मक कार्यक्रम गरेका छन ।
पुराना नेताहरुले जनतालाई बर्षौँ देखि रुवाएको छ, अब युवाहरूलाई मतदान गर्नेछौ एक स्थानीयले भने ।
शुक्रबार घर दैलो कार्यक्रम सुरु गरेका जयसवालले सयौको संख्यामा समर्थकहरू सहित स्थानीयहरुले साथ दिएका थिए । क्षेत्र न.४ को (ख)मा विशेष माया र स्नेह रहेको बताउँदै उनले आफ्नो पक्षमा मतदान गर्न अपिल समेत गरेका छन् ।
उनले आफ्नो आफ्नो योजनालाई सफल बनाउन जिप छापमा मतदान गरी आफुलाई भारि मत दिएर जिताउन समग्र सबैलाई आग्रह गरेका छन् । आफूले जित्दा आफ्नो जीत नभई समग्र युवा, स्वतन्त्रको जीत हुने उनको भनाई रहेको छ ।
