रौतहट,२७ भाद्र
गए राती चन्द्रपुरमा अएको हात्तीले केही अन्न बाली नष्ट गरेको छ भने चन्द्रपुर -६ मा पर्ने लमाहा बस्तिको ५ घर ध्वस्त बनाइदिएको छ।
आइतबार साझ ७ बजे देखा परेको एक जोडी हात्ती ले ठोकर टोल र मिलन चोक को बिच मा रहेको धान बालिमा क्षती पुर्याएको छ ।यस्तै सोमबार बिहान २ बजेको समयमा पूर्वपश्चिम राजमार्गसंगै रहेको लमाहा बस्तीमा दुई वटा हात्तीले ५ घर भत्काएको प्रहरीले जनाएको छ ।
स्थानीय राम पहरी, लक्ष्मण पहरी, फुलमाया मगर, अर्जुन पहरी र धनमाया पहरीको घर हात्तीले भत्काईदिएको छ । चन्द्रनिगाहपुर स्थित घना बस्तीमा छिरेको हात्तीलाई बस्तीबाट भगाउन चार घण्टा लागेको थियो । हात्तीले धान बाली नष्ट र घर भत्काए पनि मानविय क्षति भने भएको छैन ।
