रौतहट,२३ साउन नेपाल कम्युनिष्ट पार्टी नेकपा एमालेका अध्यक्ष तथा पूर्वप्रधानमन्त्री केपी शर्मा ओली आज रौतहट आउँदै छन्। उनले विभिन्न दल परीत्याग गरी एमालेमा आउने नेता तथा कार्यकर्तालाई स्वागत गर्न रौतहट आउन लागेको एमालेका एक जिल्ला नेताले बताए ।
जिल्लाको सदरमुकाम गौरमा पार्टी प्रवेश तथा वृहत जनसभालाई सम्बोधन गर्न ओली सोमबार रौतहट आउन लागेका हुन्। नेकपा एमाले रौतहटको आयोजनामा पार्टी प्रवेश तथा वृहत जनसभा कार्यक्रममा प्रमुख अतिथिको रुपमा अध्यक्ष एवम् पूर्वप्रधानमन्त्री ओली आउन लागेको का हुन् । पार्टी प्रवेश तथा वृहत जनसभा कार्यक्रम गौरको ब्यारेक फिल्डमा आयोजना हुन लागेको हो । सोमबार बिहान ११ बजे हुने भनिएको सो पार्टी प्रवेश तथा वृहत जनसभा कार्यक्रमबाट गौर नगरपालिकाका पूर्व नगर प्रमुख अजय गुप्तालगायत विभिन्न पार्टी परित्याग गरेर हजारौं एमालेमा प्रवेश गर्ने बताइएको छ।
गौर नगरपालिकाका पूर्व नगर प्रमुख गुप्ता लोकतान्त्रिक समाजवादी पार्टी नेपाल (लोसपा) परित्याग गरेर एमालेमा प्रवेश गर्न लागेका हुन्।
