चन्द्रपुर//रौतहटको चन्द्रपुर नगरपालिकामा स्कार्पियोको ठक्करबाट एक बालिकाको मृत्यु भएको छ । मृत्यु हुनेमा चन्द्रपुर नगरपालिका–१० पडरिया बस्ने सन्तोस पासवानकि १२ बर्षिय छोरी निता पासवान रहेकी छन् । भारतीय नम्वर प्लेट BR01P ६९८० नं को स्कार्पियोले ठक्कर दिँदा उनी गम्भीर घाइते भएका थिए । गौरबाट चन्द्रपुरनिगाहपुर तर्फ आउदै गरेको स्कार्पियोले पासवानलाई आफ्नै घर अगाडि बाटोमा ठक्कर दिइएको थियो ।
घाइते पासवानको चन्द्रपुरस्थित चन्द्रपुर हस्पिटलमा उपचारको क्रममा मृत्यु भएको इलाका प्रहरी कार्यालय चन्द्रनिगाहपुरले जनाएको छ । ठक्कर दिने स्कार्पियो र चालक प्रहरी नियन्त्रणमा रहेको छ । चालक भारतको पटना वेस्ट लोहानिपुर बस्ने पप्पु मिश्रालाई नियन्त्रमा लिईएको प्रहरीले बताएको छ।
ठक्कर दिने बितिक्कै भागेका स्कार्पियोलाई सिसिटिभीको मद्दतले पक्राऊ गरिएको चन्द्रपुर १० का वडा अध्यक्ष टंकेश्वर चौधरीले बताएका छन् । ठक्कर दिएको गाडी चालकलाई पक्राउ र क्षतिपुर्तिको माग सहित केहिबेर स्थानीयले चक्काजाम गरेका थिए।
