रौतहटमा ट्याक्टरले मोटरसाइकललाई ठक्कर दिँदा एक जना भारतीय नागरिकको मृत्यु भएको छ । देवाही गोनाही नगरपालिका धरहरी गोनाही सडकखण्डमा भएको दुर्घटनामा भारत बिहार घोडसहनका जितेन्द्र साह कलवारको मृत्यु भएको हो ।बिआर ०५ बि ९०३६ नम्बरको मोटरसाइकल र विपरीत दिसा बाट आइरहेको ना ३ त ७०७२ नम्बरको ट्र्याक्टर गए राती एक आपसमा ठोक्किएको थियो । दुर्घटनामा गम्भीर घाइते भएका कलवारको गरुडा स्थित ग्रण्डी होस्पिटलमा उपचारको क्रममा मृत्यु भएको प्रहरीले जनाएको छ। मृतकको शवलाई पोस्टमार्टमका लागि जिल्ला अस्पताल गौर पठाइएको इलाका प्रहरी कार्यालय गरुडाले जनाएको छ।
