१८ चैत, पर्सा पर्साको वीरगञ्जबाट ३० किलो गाँजा सशस्त्र प्रहरी बरामद गरेको छ ।गाडीको डिकीभित्र लुकाएर लैजाँदै गरेको अवस्थामा वीरगञ्ज महानगरपालिका २० स्थित हर्पतगञ्ज सडकखण्डमा बिहीबार गएराति करिब ९:४५ बजेतिर गाँजा बरामद गरेको सशस्त्र प्रहरीले जनाएको छ ।मजकुर सशस्त्र प्रहरी बल, नेपाल २ छिन्नमस्ता बाहिनी मुख्यालय महोत्तरीबाट खटिएको टोलीले उक्त लागुऔषध गाँजा नम्बरप्लेट नभएको गाडिको डिकीबाट बरामद गरेको हो ।टाटा इन्डिका गाडिको डिकीभित्र १६ केजी र १४ केजीको दुईवटा रातो प्लाष्टिकमा बेरिएको अवस्थामा फेला परेको गाँजा प्रहरीको जिम्मा लगाइएको सशस्त्र प्रहरीले जनाएको छ ।यसबारे अनुसन्धान भइरहेको प्रहरीले जनाएको छ ।
