चन्द्रपुर– रौतहटको चन्द्रपुर नगरपालिका वडा नम्बर १ डाडाटोलमा लिफ्टिङ्ग सिचाई आयोजनाको शिलान्यास गरिएको छ । सिचाई आयोजनाको शिलान्यास भएपछि डाडाटोलका स्थानिय हर्षित भएका छन् ।
आईतबार एक कार्यक्रमको आयोजना गरी नेकपा माओवादी केन्द्रका केन्द्रीय सदस्य तथा रौतहट जिल्ला ईन्चार्ज युवराज भट्राई (समिर),बाग्मती नगरपालिका सर्लाहीको नगरप्रमुख भरत थापाले संयुक्त रुपमा लिफ्टि सिचाई आयोजनाको शिलान्यास गरेका हुन् । नेकपा माओवादी केन्द्रका केन्द्रीय सदस्य भट्राईले लिफ्टिङ्ग सिचाई आयोजनाको लागि उर्जा मन्त्रालयबाट ३८ लाखको योजना ल्याएको नेकपा माओवादी का नेता गौतम खड्काले जानकारी दिएका छन् ।
सिंचाई अभावमा हिउदमा बाझै रहने ४० बिघा जग्गामा ७० घरधुरीले सजिलै सिचाई गर्न पाउने उदेश्यले सोे योजना ल्याएको नेकपा माओवादी केन्द्रका केन्द्रीय सदस्य भट्राईले जानकारी दिएका छन्।
