फागुन ३०,रौतहट– आईसीसी महिला विश्वकप क्रिकेट अन्तर्गत दक्षिण अफ्रिकाले लगातार तेस्रो जित हात पारेको छ ।न्यूजिल्यान्डको माउन्ट मौन्गानुईमा सोमबार भएको खेलमा दक्षिण अफ्रिकाले साविक विजेता इंग्ल्यान्डलाई ३ विकेटले पराजित गर्दै लगातार तेस्रो जित हात पारेको हो । २ सय ३६ रनको लक्ष्य दक्षिण अफ्रिकाले निर्धारित ५० ओभरको ४ बल बाकी छदा ७ विकेट गुमाउदै पुरा गर्यो ।दक्षिण अफ्रिकाकी लाउरा उल्भार्टले सर्वाधिक ७७ रनको योगदान गरिन् ।इंग्ल्यान्डका लागि अन्या श्रुबसोले सर्वाधिक २ विकेट हात पारिन् ।केट क्रस, सोफी इक्लेस्टोन, नेट सिभर र चार्ली डिनले एक–एक विकेट लिए ।
यस अघि टस हारेर पहिले ब्याटिङ गरेको इंग्ल्यान्डले निर्धारित ५० ओभरमा ९ विकेट गुमाउदै २ सय ३५ रन जोडेको थियो । इंग्ल्यान्डका लागि ट्यामी वियोमाउन्टले सर्वाधिक ६२ रन जोड्दा एमी जोन्सले ५३ रनको योगदान गरिन् ।दक्षिण अफ्रिकाका लागि मारिजाने कापले सर्वाधिक ५ विकेट हात पारिन् ।मासाबाटा क्लासले २ तथा अयाबोंगा खाकाले एक विकेट लिए । दक्षिण अफ्रिकाले लगातार तीन खेल जित्दा इंग्ल्यान्डको यो लगातार तेस्रो पराजय हो ।
