फाल्गुन २२,पर्सा– गाँजासहित दुई भारतीय नागरिकलाई सशस्त्र प्रहरीले पर्साबाट पक्राउ गरेको छ ।पक्राउ पर्नेमा भारत बिहारको पश्चिम चम्पारण जिल्ला, सोनखर पञ्चायत १३ रामनगरका २९ वर्षीय संदिप पटेल २५ वर्षीय प्रेम पटेल रहेका छन् । बोर्डर आउट पोष्ट ब्रम्हानगरबाट सशस्त्र प्रहरी नायब निरीक्षक खिलेन्द्र बहादुर बस्नेतको टोलीले नेपाल भारत सीमा क्षेत्रबाट ठोरी गाउँपालिका ३ सिकारीबासबाट शनिबार राति ८स्३० बजेतिर उनलाई हिरासतमा लिएको सशस्त्र प्रहरीले जनाएको छ ।
भारतीय नम्बरको मोटरसाईकलमा नेपालबाट भारततर्फ जाँदै गरेका उनीहरुले बोकेको झोलाबाट ५ किलो गाँजासहित ४ हजार ५ सय भारतीय रुपैयाँ र १ थान मोबाईलसमेत बरामद भएको सशस्त्र प्रहरी बल १३ नं। हेड क्वाटर पर्साक प्रवक्ता प्रहरी नायब उपरीक्षक सन्तोष बस्नेतले जानकारी दिए । गाँजासहित पक्राउ परेका दुवै जनालाई आवश्यक कारवाहीका लागि ईलाका प्रहरी कार्यालय ठोरीमा बुझाईएको सशस्त्र प्रहरीले जनाएको छ ।
