रौतहट,२७ श्रावण
रौतहटमा अबैध रुपमा जंगलबाट काठ चोरेर लैजान तयारीमा लागेको अवस्थामा सालको काठ बरामद भएको छ । रङगपुर साझेदारी वन उपभोक्ता समिति र डिभिजन वन कर्मचारीको संयुक्त टोलीले मंगलबार राति १ः३० भएको समयमा चन्द्रपुर ७ स्थित नया बस्तीको पश्चिमपट्टि तस्करले साईकलमा लोड गरेर लैजान लागेको साल प्रजातिको काठ बरामद गरेको रंगपुर साझेदारी वन उपभोक्ता समितिका अध्यक्ष जितेन्द्र चौधरीले जानकारी दिएका छन् ।सो टोलीले ३ थान साइकलमा सालको काठ लोड गरेको अवस्थामा बरामद गरेको काठको परिमाण १०.३० क्युबफिट रहेको जनाएको छ । बरामद गरिएको काठसंगै तस्करीमा संलग्न एकजनालाई पक्राउ समेत गरेको छ ।
पक्राउ परेका पुरुषलाई डिभिजन बन् कार्यालय रौतहटमा बुझाइ थप अनुसन्धान भइरहेको अध्यक्ष चौधरीले बताए ।
